სერბეთის სახელით მოასპარეზე მოჭიდავე, მსოფლიო ჩემპიონი ზურაბ დათუნაშვილი საქართველოს მესამე პრეზიდენტს, მიხეილ სააკაშვილს სოლიდარობას უცხადებს და მის გათავისუფლებას ითხოვს.
“თავისუფლება მიხეილ სააკაშვილს!”,– დაწერა მან Facebook-სთორიში მას შემდეგ, რაც მსოფლიო ჩემპიონი გახდა.
ზურაბ დათუნაშვილი სერბეთის სახელით მას შემდეგ ასპარეზობს, რაც იძულებული გახდა საქართველო დაეტოვებია, რადგან საქართველოს ჭიდაობის ფედერაციის პრეზიდენტი მას თავს დაესხა – 2019 წლის იანვარში გეგა გეგეშიძე მას ფიზიკურად გაუსწორდა.
გეგეშიძე 2019 წლის 22 იანვარს დააკავეს, თუმცა მალევე 5000-ლარიანი გირაოთი გაათავისუფლეს.
ზურაბ დათუნაშვილი ამბობდა, რომ გეგეშიძესთან დაპირისპირების მიზეზი ჭიდაობის ფედერაციაში კორუფცია იყო. ის ითხოვდა, გეგა გეგეშიძეს ჭიდაობის ფედერაციის პრეზიდენტის პოსტი დაეტოვებინა, თუმცა, უშედეგოდ.
