თბილისში, მტკვრის მარჯვენა სანაპიროზე მომხდარ ავტოსაგზაო შემთხვევას 3 ადამიანის სიცოცხლე ემსხვერპლა. ავარია დღეს საღამოს მოხდა. BMW-ს და ოპელის მარკის ავტომობილები ერთმანეთს სავარაუდოდ საპირისპირო მიმართულებით შეეჯახნენ.
BMW-ში მსხდომი პირები საავადმყოფოში არიან გადაყვანილები, ხოლო მეორე ავტომობილში სამივე მგზავრი დაიღუპა.
საქმეზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
