თელავის მუნიციპალიტეტის სოფელ ყარაჯალაში 10 თვის ბავშვს კორონავირუსი დაუდასტურდა.
დაავადებათა კონტროლისა და საზოგადოებრივი ჯანმრთელობის ეროვნული ცენტრის კახეთის განყოფილების ხელმძღვანელის, ნელი ხიზაშვილის ინფორმაციით, ჩვილი თელავის ბავშვთა კლინიკაში მკურნალობდა, სადაც კორონავირუსისთვის დამახასიათებული სიმპტომები დაუფიქსირდა, რის გამოც ექიმებმა მისთვის ვირუსზე ტესტის აღება გადაწყვიტეს.
მისივე თქმით, მცირეწლოვანი თბილისშია გადაყვანილი და იქ უტარდება შესაბამისი მკურნალობა.
ამ ეტაპზე სოფელში ეპიდემიოლოგები მუშაობენ და მიმდინარეობს დამატებითი კონტაქტების მოძიება.
11 ადამიანის ანალიზი უკვე აუღეს და ლუგარის ლაბორატორიაში გაიგზავნა, რაზეც პასუხიც ხვალ დილით გახდება ცნობილი.
