უკრაინის პირველმა ლედიმ, ელენა ზელენსკაიამ ამერიკულ ტელეარხს, სიენენ–ს ელექტრონული ფოსტით მისცა ინტერვიუ, რომელშიც ყვება, როგორ ცხოვრობს ომის დაწყების შემდეგ. ის ქველმოქმედებით არის დაკავებული, ისევე როგოც მშვიდობიანობის დროს და უკრაინელ ბავშვებზე ზრუნავს, რომელთა მდგომარეობა ომის დაწყების შემდეგ კატასტროფულია.
“ახლა ჩვენ ვზრუნავთ და ვლაპარაკობთ არა მათ ჯანსაღ კვებაზე, არამედ ზოგადად კვებაზე, ჩვენი ბავშვების გადარჩენაზე. ჩვენი ბავშვების ნახევარი იძულებული გახდა საზღვარგარეთ წასულიყო. ათასობით ბავშვი დაზარალდა ფიზიკურად და ემოციურად“– ამბობს ელენა ზელენსკაია.
კითხვაზე, რა ურთიერთობა აქვს ქმართან ომის დროს, პირველმა ლედიმ უპასუხა, რომ ვლადიმერ ზელენსკი უკვე ერთი თვეა არ უნახავს.
“ვლადიმირი და მისი გუნდი პრეზიდენტის ოფისში ცხოვრობენ. ჩემთვის და ბავშვებისთვის იქ დარჩენა არ შეიძლება – ძალიან საშიშია. ამიტომ ერთ თვეზე მეტია მხოლოდ ტელეფონით გვაქვს ურთიერთობა“– ამბობს ის.
