თურქეთში პოლიციამ ქართველი ე.წ. კრიმინალური ავტორიტეტი გურამ ჩიხლაძე, მეტსახელად ჩრდილი დააკავა.
როგორც ცნობილია, ის რუსეთის მიერ ინტერპოლით იძებნებოდა.
ჩიხლაძის საცხოვრებელი კუჩუქჩეკმეჯში სტამბოლის პოლიციის დეპარტამენტმა დაადგინა. იგი სპეცოპერაციის დროს თავის მისამართზე დააკავეს და მოგვიანებით სასამართლოში გადაიყვანეს.
სტამბოლის პოლიციის ორგანიზებულ დანაშაულთან ბრძოლის დეპარტამენტის ინფორმაციით, ჩიხლაძე რუსეთსა და აზერბაიჯანში ორგანიზებულ დანაშაულებრივ ჯგუფს ხელმძღვანელობდა. მას რუსეთში არაერთი დანაშაული აქვს ჩადენილი, მათ შორის მკვლელობები.
ჩიხლაძე თურქეთში მანამდე უკვე ორჯერ იყო დაკავებული.
