სომხეთის თავდაცვის მინისტრის, შუშან სტეპანიანის განცხადებით, თუ აზერბაიჯანი ცეცხლს შეწყვეტს, მისცემენ უფლებას, რომ დაჭრილები და დაშავებულები საომარი მოქმედებების ზონიდან გაიყვანონ. ამის შესახებ მან ფეისბუქგვერდზე განცხადება გამოაქვეყნა.
სომხეთსა და აზერბაიჯანს შორის დაპირისპირება კვირას, 12 ივლისს ტავუშისა და ტოვუზის რეგიონებს შორის მდებარე საზღვართან დაიწყო. ქვეყნები ცეცხლის გახსნაში ერთმანეთს ადანაშაულებენ.
შეტაკებები მეხუთე დღეა გრძელდება. გუშინ 7 აზერბაიჯანელი სამხედრო და ერთი სამოქალაქო პირი დაიღუპა. სომხეთის მხარეს – ორი სომეხი სამხედრო.
აზერბაიჯანის მხარეს დაღუპულებს შორის ერთი გენერალ-მაიორი, ერთი კი პოლკოვნიკია. აზერბაიჯანში სომხეთთან ომის დაწყებას ითხოვენ. გუშინ დემონსტრანტები პარლამენტის შენობაში შეიჭრნენ, ასევე, დააზიანის პოლიციის მანქანები.
სამართლდამცველებმა მოსახლეობის წინააღმდეგ წყლის ჭავლი და რეზინის ხელკეტები გამოიყენეს. დაკავებულია აქციის ათობით მონაწილე. აქციის მონაწილეები ხელისუფლებას თოუზის რეგიონში სომხეთის მხრიდან განხორციელებულ თავდასხმაზე შესაბამისი რეაგირებისკენ მოუწოდებდნენ.
