იაპონიის პრემიერ მინისტრი უკრაინაში მიიწვიეს

იაპონიის პრემიერ მინისტრმა ფუმიო კიშიდამ უკრაინაში მიწვევა მიიღო , განაცხადა იაპონიის მთავრობის წარმომადგენელმა.

მოწვევა უკრაინის პრეზიდენტის აპარატის უფროსმა ანდრეი ერმაკმა იაპონიის ელჩს ოთხშაბათს გადასცა, განაცხადა მინისტრთა კაბინეტის მდივანმა ჰიროკაზუ მაცუნომ ტოკიოში გამართულ ბრიფინგზე.

“იაპონია მხარს უჭერს უკრაინის მოქალაქეებს და დგამს შესაბამის ნაბიჯებს, როგორც G7-ის თავმჯდომარე წელს”, – თქვა მაცუნომ.

მომავალ კვირას კიშიდა ეწვევა G7-ის წევრ ქვეყნებს, მათ შორის საფრანგეთს, იტალიას, დიდ ბრიტანეთს, კანადასა და შეერთებულ შტატებს. ტური ჰიროშიმაში G7 მაისის სამიტამდე ცოტა ხნით ადრეგ აიმართება .

ამ კვირის დასაწყისში გაზეთმა Nikkei-მ გაავრცელა ინფორმაცია, რომ იაპონია აპირებს სამიტზე მიიწვიოს უკრაინის პრეზიდენტი ვოლოდიმირ ზელენსკი.

ტოკიოსთვის, წერს Nikkei, უკრაინასთან დაკავშირებით  G7-ის ქმედებების კოორდინაცია მნიშვნელოვანი ნაბიჯია ტაივანთან დაკავშირებული შესაძლო კონფლიქტისთვის მოსამზადებლად, რომელშიც შეიძლება იაპონია ჩაერთოს.

იაპონიის ხელისუფლებას მიაჩნია, რომ კონფლიქტის შემთხვევაში, ჩინეთმა უნდა გაეცეს სწრაფი და მკაცრი პასუხი აშშ-თან და ევროპასთან ერთად, როგორც ეს მოსკოვთან მიმართებაში რუსეთის  უკრაინაში შეჭრის შემდეგ მოხდა.