ასე ეხმაურება, რუსეთის საგარეო საქმეთა მინისტრის მოადგილე გრიგორი კარასინი საქართველოს პრეზიდენტის, სალომე ზურაბიშვილის განცხადებას საქართველოში შემოსულ რუსეთის მოქალაქეებთან დაკავშირებით.
”ზურაბიშვილი ისევ რუსეთის თემაზე პარაზიტირებს. ახლა, იმ ქალბატონს, რომელიც იმპიჩმენტს ძლივს გადაურჩა, ანერვიულებს საქართველოში მცხოვრები რუსები, რომლებიც “მტრის ენაზე საუბრობენ“. პრეზიდენტი ამაში ხედავს რუსეთისთვის სრულფასოვანი ომის გამოცხადების წინაპირობებს და რუსეთის მოქალაქეებისთვის ქვეყანაში შესვლის აკრძალვის მოთხოვნით გამოდის. მსგავს საჯარო გამონათქვამებს ბოდვის გარდა ვერაფერს ვუწოდებ. დარწმუნებული ვარ, ეს თბილისშიც ესმით”. -აცხადებს კარასინი.
ცნობისთვის, ზურაბიშვილმა CBS NEWS-თან ინტერვიუში განაცხადა, რომ “ძალიან გამაღიზიანებელია, როცა შენს ქვეყანაში გყავს ხალხი, რომელიც მტრის ენაზე საუბრობს. და რომ სჯერათ, რომ ისინი სახლში არიან”.
