თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსით ინფიცირების 7 ახალი შემთხვევიდან 2 სამედიცინო პერსონალია.
“დღეს დაგვემატა 7 ახალი პაციენტი და სულ არის 1436 დადატურებული შემთხვევა. მათგან, ერთი არის დაავადებულთან კონტაქტი, ოთხი არის შემოტანილი, მათ შორის ერთი არის სატვირთო ავტომანქანის მძღოლი და ორი სამედიცინო პერსონალია. გამოჯანმრთელებულები დღეს არ დაგვმატებიან”,- თქვა ეზუგბაიამ.
მანვე აღნიშნა, რომ ქვეყნის მასშტაბით 259 კოვიდინფიცირებული მკურნალობს, მათ შორის 4-ის მდგომარეობა კრიტიკული, 23-ის კი მძიმეა.
