ისრაელის თავდაცვის ძალები (IDF) განაგრძობენ დარტყმებს ღაზას სექტორში ჰამასის ბოევიკებისა და მათი ინფრასტრუქტურის წინააღმდეგ, ნათქვამია ისრაელის სამხედროების დილის განცხადებაში.
სახმელეთო ოპერაციის დროს IDF-ის ჯარისკაცებმა ღაზას სექტორში მეჩეთში მდებარე გვირაბის შახტა აღმოაჩინეს, ნათქვამია ოფიციალურ ტელეგრამის არხზე გამოქვეყნებულ შეტყობინებაში.
სახმელეთო ოპერაციის მონაწილეთა თხოვნით, ისრაელის საჰაერო ძალებმა დაარტყეს „ტერორისტულ უჯრედს“, რომელიც ტანკსაწინააღმდეგო რაკეტებს ესროდა ჯარისკაცებს.
მთლიანობაში, IDF-ის მონაცემებით, დღის განმავლობაში 200 „ტერორისტულ სამიზნეზე“ იქნა დარტყმა მიტანილი, მათ შორის იარაღის წარმოების ობიექტები, ტანკსაწინააღმდეგო რაკეტების გამშვები დანადგარები და ოპერატიული მართვის ცენტრები.
ღამით, ისრაელის საზღვაო ძალებმა ასევე დაარტყა სამხედრო ბანაკს, რომელსაც ჰამასის „საზღვაო ძალები“ იყენებდნენ წვრთნისთვის და იარაღის შესანახად, ნათქვამია განცხადებაში.
