იტალიის პოლიცია აცხადებს, რომ თავიდან აიცილეს პრორუსული ჯგუფების ჰაკერული თავდასხმები ევროვიზიის კონკურსის ნახევარფინალსა და ფინალში, რომელიც იტალიაში, ტურინში გაიმართა.
პოლიციის ცნობით, 10 მაისის ნახევარფინალსა და ფინალში მონაწილეთა კენჭისყრისა და გამოსვლების დროს პოლიციამ მოიგერია რამდენიმე კიბერშეტევა ქსელის ინფრასტრუქტურაზე.
თავდასხმის ორგანიზატორები იყვნენ ჰაკერული ჯგუფი Killnet და მისი “შვილობილი” Legion. პოლიციამ შეაგროვა ინფორმაცია პრორუსული ჯგუფის ტელეგრამ არხებიდან.
ცნობისთვის, ევროვიზიის გამარჯვებული ქვეყანა უკრაინა გახდა.
