იტალიაში კორონავირუსთის მინიმუმ 100 ექიმი გარდაიცვალა, ამის შესახებ ინფორმაცია იტალიის ექიმთა ასოციაციამ გაავრცელა. CNN-ს ცნობით, 80 ექიმი იტალიის ჩრდილოეთით მუშაობდა, სადაც ვირუსი ყველაზე მწვავედ არის გავრცელებული.
ოთხშაბათის მდგომარეობით, იტალიაში კორონავირუსით 13 522 სამედიცინო სფეროს თანამშრომელი დაინფიცირდა.
იტალიაში კორონავირუსით 17 669 ადამიანია გარდაცვლილი, რაც მსოფლიოში ყველაზე მაღალი მაჩვენებელია. ინფიცირებულია 140 ათასამდე ადამიანი, ხოლო გამოჯანმრთელდა 26 491 პაციენტი.
