ქაცარავას და სხვა ნაციონალებს მოვუწოდებ, რომ მაქსიმალურად თავი შეიკავონ პროვოკაციებისგან. გახსოვთ, იყო ერთი, მეორე, მესამე პროვოკაცია და კაცი მოგვიკლეს, ადამიანი, ვაჟკაცი კაცი გინტური. არ შეიძლება, პროვოკაციებისგან შეიკავონ თავი ქაცარავამ და სხვა ნაციონალებმა, ეს არის ჩემი მოწოდება მათ მიმართ. რაც შეეხება ხელისუფლებას, ხელისუფლება მაქსიმუმს აკეთებს იმისათვის, რომ ჩვენი ინტერესები იყოს დაცული.
მიუხედავად იმ უმძიმესი მემკვიდრეობისა, რომელიც ჩვენ დაგვიტოვეს. თქვენ გახსოვთ, რომ მათ შემოხაზეს, ნაციონალებმა შემოხაზეს სწორედ ის ე.წ. საზღვრები რომლებიც შემდეგ მავთულხლართებით განიმტკიცა რუსეთის ფედერაციამ, არ შეიძლება ამ ადამიანებთან საუბარი სხვანაირად, ისინი არიან ჩვეულებრივი პროვოკატორები. შესაბამისი შეფასება უნდა მიეცეს მათ ნებისმიერ ქმედებას”,
ასე ეხმაურება მმართველი გუნდის, თავმჯდომარე ირაკლი კობახიძე ანტისაოკუპაციო მოძრაობის ლიდერის დავით ქაცარავას გავრცელებულ ინფორმაციას, რომლის მიხედვით, საკორინთლოსთან ოკუპანტები გამოჩნდნენ და საგუშაგო, რომელიც თვეების განმავლობაში არააქტიური იყო, გააცოცხლეს.
