“იცით, რა ძნელია იმ კომბინიზონების, შლემებისა და სათვალეების ჩაცმა?”- ამის შესახებ ინფექციური საავადმყოფოს დირექტორმა თენგიზ ცერცვაძემ განაცხადა და ექიმების ინფიცირების შემთხვევებს გამოეხმაურა.
თენგიზ ცერცვაძის განცხადებით, ექიმების დაინფიცირების შემთხვევები 72-მდე გაიზარდა. მისი შეფასებით, საქართველოს მასშტაბებისთვის ეს შესაძლოა ცოტა არ იყოს, მაგრამ ევროპის ქვეყნებთან შედარებით ეს მაჩვენებელი მიზერულია.
„იცით, რა ძნელია იმ კომბინიზონების, შლემებისა და სათვალეების ჩაცმა?! ეს სათქმელადაა ადვილი! გახდის დროს თუ საკმარისად ტრენირებული არ ხარ, საკმარისია ერთი ხელთათმანი ან ხალათი არასწორად გაიხადო, რომ ინფიცირებულ ადგილთან გიხდება შეხება,“- განაცხადა თენგიზ ცერცვაძემ.
