“მისი გარდერობის აბსოლუტური უმრავლესობა ქვიარ ადამიანების შეკერილი ტანსაცმელია, როგორ არ რცხვენია საერთოდ? გამოდის “დოლჩე გაბანას” კოსტუმით და იძახის ქვიარ თემს ვერ დავიცავთო” – ასე მიმართა მოძრაობა “სირცხვილიას” ერთ-ერთმა ორგანიზატორმა და სამოქალაქო აქტივისტმა გიგა მაქარაშვილმა კახა კალაძეს გადაცემა ”კომენტარში”.
”ვიცით, რომ კალაძე მილანში თამაშობდა ამდენი წელი, ძალიან კარგი ფეხბურთელი იყო, ძალიან მაღალი რანგის ფეხბურთელი იყო, უმაღლესი ტიტულები აქვს მოგებული და მისი გარდერობის აბსოლუტური უმრავლესობა ქვიარ ადამიანების შეკერილი ტანსაცმელია, როგორ არ რცხვენია საერთოდ? გამოდის “დოლჩე გაბანას” კოსტუმით და იძახის ქვიარ თემს ვერ დავიცავთო. ბატონო კახი, მესმის, რომ თქვენი ქალაქის მერად ყოფნის ბოლო დღეებია, მაგრამ უბრალოდ დაიხედეთ რა გაცვიათ. ზუსტად იგივე თემის წარმომადგენლები არიან ეს ადამიანები, თქვენი თანამოქალაქეები, ვინც იტალიაში გყავთ და იმათთან რომ მეგობრობთ და კარგი ადამიანი გგონიათ თქვენი თავი, ისეთები არიან ზუსტად ეს ადამიანები, გაცილებით ნიჭიერები, კეთილები და გაცილებით უფრო მეტ სასარგებლო საქმეს აკეთებენ ამ ქვეყნისთვის. არ შეიძლება ასე ადამიანების დაყოფა, ძალიან ცუდად დაგიბრუნდებათ იცოდეთ.”- განაცხადა მაქარაშვილმა.
ცნობისთვის, დღეს, 29 ივნისს, თბილისის მერმა, კახა კალაძემ თქვა, რომ პრაიდის კვირეულის ჩატარება მიზანშეწონილად არ მიაჩნია.
