ქალი, რომელიც კაპიტოლიუმის შენობაში დაიჭრა, ცოტა ხნის წინ გარდაიცვალა. ამის შესახებ ინფორმაციას ტელეკომპანია „NBC NEWS“ სამართალდამცავ ორგანოებში წყაროზე დაყრდნობით იუწყება.
მანამდე გავრცელებული ინფორმაციით, კაპიტოლიუმის შენობაში ხუთი ადამიანი დაიჭრა, რომელთაგან ერთის მდგომარეობა კრიტიკული იყო. ამერიკის კონგრესის ლიდერები კი, კაპიტოლიუმიდან უსაფრთხოების მიზნით, ფორტ მაკნეირის ახლომდებარე სამხედრო ბაზაზე გადაიყვანეს. ამის შესახებ CNN-ისამართალდამცავ ორგანოებში წყაროზე დაყრდნობით იუწყება.
ცნობისთვის, დონალდ ტრამპის მომხრეები კაპიტოლიუმში შეიჭრნენ, სადაც კონგრესის გაერთიანებული სხდომა მიმდინარეობდა. სესიაზე ამომრჩეველთა კოლეგიის ხმის მიცემის შედეგები უნდა დაემტკიცებინათ.
