“ქართული ოცნების” წევრის, რატი იონათამიშვილის ინფორმაციით, კახა ოქრიაშვილი მაჟორიტარობის კანდიდატად იმიტომ არ წარადგინეს, რომ მას დამოუკიდებელი დეპუტატობა სურს.
“კახას თვითონ სურდა, ყოფილიყო დამოუკიდებელი კანდიდატი. ეს მისი სურვილი იყო. ეს ნორმალურია, ვფიქრობ. ეს ორმხრივი გადაწყვეტილება იყო და ამაში უცნაური და გასაკვირი არაფერია,”- თქვა იონათამიშვილმა.
ცნობისთვის, ოქრიაშვილი ამჟამად “ქართული ოცნების” წალკისა და დმანისის მაჟორიტარი დეპუტატია. ის პარტიიდან ერთადერთი დეპუტატი იყო, ვინც თითქმის პროპორციულ სისტემას მხარი არ დაუჭირა. გუშინ მმართველმა პარტიამ ბოლნისი-დმანისი-თეთრიწყარი-წალკის ოლქში მაჟორიტარობის კანდიდატად გოგი მეშველიანი დაასახელა.
