კიევსა და ლვოვში აფეთქებები მოხდა. კიევის მერმა ვიტალი კლიჩკომ ამის შესახებ ინფორმაცია, „ტელეგრამის“ გვერდზე გაავრცელა. მისი თქმით, თავდასხმა დარნიცკის რაიონზე განხორციელდა.
აფეთქებები იყო ლვოვშიც. ლვოვის რეგიონალური ადმინისტრაციის ხელმძღვანელის, მაქსიმ კოზიცკის განცხადებით, რუსებმა საჰაერო იერიში ქალაქზე 05:46 საათიდან მიიტანეს. თავდასხმები 07:02 საათამდე გაგრძელდა.
მსხვერპლისა და ნგრევის შესახებ ჯერჯერობით ინფორმაცია არ ვრცელდება.
