დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, კოვიდინფიცირებულების ახლო კონტაქტები ტესტირების გარეშე 12-დღიან თვითიზოლაციაში უნდა გადავიდნენ.
“ინიფიცრებულების ახლო კონტაქტები, ოჯახის და სამსახურებრივი კონტაქტები ყოველგვარი ტესტირების გარეშე პირდაპირ უნდა გადავიდნენ თვითიზოლაციაში. სახლში უნდა დარჩნენ ან კარანტინში. შემდგომი 12 დღის განმავლობაში თუ ისინი უსიმპტომოები არიან, არ უტარდებათ ტესტირება. 12 დღის შემდგომ კი თავისუფლები არიან. თუ მოხდა კიდეც ინფიცირება ან ჰქონდათ უსიმპტომო ინფიცირება, გადამდებები აღარ არიან. თუ 12 დღის განმავლობაში გამოუვლინდებათ სიმპტომი – ხველა, ტემპერატურა , სუნთქვის გაძნელება, უკავშირდებიან ექიმს“ – ამბობს გამყრელიძე.
