36 წლის ადიტია სინგხმა, რომელსაც პანდემიის დროს თვითმფრინავში ჩაჯდომის ეშინოდა, სამი თვე ჩიკაგოს აეროპორტში გაატარა. აეროპორტის პერსონალისთვის განკუთვნილ ზონაში მან ეს დრო ისე გაატარა, რომ ვერავინ შენიშნა.
სინგხი შაბათს აღმოაჩინეს, მას შემდეგ, რაც ავიაკომპანიის თანამშრომელმა დოკუმენტების წარდგენა მოთხოვა. ქალი შეეცადა ბეიჯი წარედგინა, თუმცა გაირკვა, რომ გასული წლის ოქტომბერში აეროპორტის ერთ–ერთმა თანამშრომელმა ზუსტად ასეთი ბეიჯი დაკარგა, სინგხი კი დააპატიმრეს.
პოლიციის ინფორმაციით ლოს ანჯელესში მცხოვრები ქალი მშობლიური ქალაქიდან 19 ოქტომბერს ჩიკაგოში ჩაფრინდა და აეროპორტის თანამშრომლის დაკარგული ბეიჯი იპოვნა. სასამართლოში მან განაცხადა, რომ კოვიდის გამო სახლში დაბრუნების ეშინოდა.
ქალს თავისუფალი წვდომა ქონდა აეროპორტის იმ ნაწილში, რომელიც ხალხისთვის დაკეტილია, საკვებს კი მგზავრებში მოწყალების თხოვნით შოულობდა. ასე გრძელდებოდა 19 ოქტომბრიდან 16 იანვრამდე.
ქალს ბრალი ედება დახურულ ზონაში უკანონო შეღწევასა და წვრილმან ქურდობაში. მან ათას დოლარიანი გირაო უნდა გადაიხადოს, ან ციხეში ჩაჯდეს.
ამერიდან მას ჩიკაგოს აეროპორტის შენობაში შესვლა ეკრძალება.
