შსს-ს ინფორმაციით, ბოლო 24 საათში საგანგებო მდგომარეობის რეჟიმის დარღვევისთვის 89 ადამიანი დააჯარიმეს.
ე.წ. კომენდანტის საათის დარღვევის გამო 81 ადამიანი დაჯარიმდა, ხოლო მგზავრთა გადაყვანისა და ავტომობილით გადაადგილების წესის დარღვევისთვის 7 მოქალაქე.
გარდა ამისა, პოლიციამ თვითიზოლაციის წესის დარღვევის 1 პირი დააჯარიმა.
საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით.
