კონგოს დემოკრატიულ რესპუბლიკაში გაეროს ავტომბილების კოლონაზე შეიარაღებული თავდასხმისას იტალიის ელჩი, ლუკა ათანასიო მოკლეს. ამ ინფორმაციას რომში ადასტურებენ. ოფიციალური მონაცემებით მასთან ერთად დაიღუპა მინიმუ ერთი პოლიციის თანამშრომელი.
ცნობილია, რომ დიპლომატი მსოფლიო სასურსათო ორგანიზაციის ავტოკოლონით გადაადგილდებოდა.
ავტომობილები რუანდასთან საზღვრის ახლოს, ქალაქ გომას რაიონში დაცხრილეს. ელჩი ადგილობრივ საავადმყოფოში მიიყვანეს, სადაც ჭრილობებისგან გარდაიცვალა.
ლუკა ათანასიო იტალიის დიპლომატიურ მისიას კონგოში 2019 წლის ბოლოდან ხელმძღვანელობდა.
ადგილობრივი მედია წერს, რომ ის სავარაუდოდ თავდმსხმელთა მთავარი სამიზნე იყო, რომლებიც მის მძევლად აყვანას ცდილობდნენ.
