თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ბოლო 24 საათში კორონავირუსით ინფიცირების 18 ახალი შემთხვევიდან 8 ბოლნისის რაიონს, ძირითადად სოფელ გეტასა და მუშავანს უკავშირდება.
მისივე თქმით, 8 პაციენტი ინფიცირებულების კონტაქტებია, ხოლო 2 საკარანტინო სივრცეებიდან გადმოიყვანეს.
„დღეს დილისთვის დაგვემატა 18 ახალი დადასტურებული შემთხვევა და გვყავს 695 დადასტურებული პაციენტი. გამოჯანმრთელებული დაგვემატა 6 და არის 425. დღეს 258 პაციენტი მკურალობს კოვიდცენტრებში.
18 ახალი შემთხვევიდან 8 ბოლნისის რაიონიდანაა. ძირითადად ესაა სოფლები – გეტა და მუშევანი. 8 არის დაავადებულებთან კონტაქტები. მხოლოდ 2 არის ახალი დადასტურებული, რომელიც საკარანტინო სივრციდანაა. ბოლნისის 8 შემთხვევიდან 4 ჩვენთთანაა მოთავსებული. დანარჩენი 4 სხვა ცენტრებშია. კიდევ ჩვენთან არის დადასტურებული ოჯახის წევრის 4 კონტაქტი“,- განაცხადა ეზუგბაიამ.
დღევანდელი მონაცემებით, კორონავირუსით დაინფიცირების 12 ახალი შემთხვევა გამოვლინდა. საბოლოო ჯამში ბოლო 24 საათში, საქართველოში კორონავირუსით დაინფიცირების 18 შემთხვევა დაფიქსირდა.
ამ დროისთვის საქართველოში კორონავირუსით ინფიცირებულთა რაოდენობა 695-ია, მათგან გამოჯანმრთელებულია 425 პაციენტი, ხოლო 12 ადამიანი გარდაცვალა.
