ქუთაისის საკრებულო ,,ქართული ოცნების” დეპუტატი ალეკო ახალაძე აცხადებს, რომ კორონავირუსი ტრაგედიების მიუხედავად, მსოფლიო მასშტაბის პოზიტიური მოვლენაა.
,,მიუხედავად უამრავი სამწუხარო ტრაგედიებისა, რაც შეუფასებელია, კორონავირუსი- მსოფლიო მასშტაბის პოზიტიური მოვლენაა!”,- წერს დეპუტატი Facebook-ზე.
შეგახსენებთ, რომ კორონავირუსის პანდემიის შედეგად, მსოფლიოში უკვე 212 ათასზე მეტი ადამიანი გარდაიცვალა, 3 მლნ 84 ათასი კი დაინფიცირდა. საქართველოში COVID-19-ით ამ დროისთვის 6 ადამიანია გარდაცვლილი, 511 ინფიცირებული.
მსოფლიო პანდემიას უკვე რამდენიმე თვეა ებრძვის. ბევრ ქვეყანაში, მათ შორის საქართველოში გამოცხადებულია საგანგებო მდგომარეობა და კარანტინი.
