კორონავირუსმა შესაძლოა სმენის დაკარგვაც გამოიწვიოს.
45 წლის ბრიტანელმა კორონავირუსის გადატანის შემდეგ სმენა სრულად დაკარგა. ექიმების თქმით ეს მათ პრაქტიკაში პირველი შემთხვევაა.
სმენის მოულოდნელი დაკარგვა ზოგჯერ ვირუსუიი ინფექციების გართულების შემდეგ ხდება, თუმცა კორონავირუსის შემთხვევაში ასეთი რამ აქამდე სამედიცინო პრაქტიკაში აღწერილი არ ყოფილა.
ამასთან, ოტოლარინგოლოგები ამტკიცებენ, რომ სტეროიდების დროულად მიღების შემთხვევაში სმენის დაკარგვის თავიდან აცილება შესაძლებელია.
პაციენტი, რომელიც ასთმით იყო დაავადებული ლონდონის ერთ–ერთ საავადმყოფოში კოვიდ 19–ის სიმპტომებით მიიყვანეს და რეანიმაციაში მოათავსეს, რადგან სუნთქვის სირთულეები ქონდა.
ანალიზებმა დიაგნოზი დაადასტურა და პაციენტი ფილტვების ხელოვნური ვენტილაციის აპარატზე შეაერთეს. მას რამდენიმე წამალი გამოუწერეს, ასევე სისხლი გადაუსხეს, რის შემდეგაც გამოჯანმრთელება დაიწყო და 30 დღის შემდეგ აპარატიდან მოხსნეს.
თუმცა, რეანიმაციიდან გამოსვლიდან ერთი კვირის შემდეგ პაციენტმა ყურებში ზუზუნი იგრძნო, შემდეგ კი მოულოდნელად მარცხენა ყურით დაყრუვდა.
კვლევამ აჩვენა, რომ სმენის დაკარგვის მიზეზი სავარაუდოდ ნერვის ან შუაყურის დაზიანება, ან ორივე ერთად გახდა. თუმცა არა ანთების ან ყურის არხის ბლოკირების გამო.
დაზიანების ერთადერთ შესაძლო მიზეზად ექიმები კოვიდ19–ს ასახელებენ.
სტეროიდული აბების და ინექციების შემდეგ სმენა პაციენტს ნაწილობრივ დაუბრუნდა, თუმცა სრულად აღარ აღდგა.
სპეციალისტები ვარაუდობენ, რომ ვირუსს შესაძლოა ფილტვების გარკვეული ტიპის უჯრედებში შეეღწია მათ ზედაპირზე არსებული რეცეპტორების დახმარებით და ისინი დაეინფიცირებინა.
ასეთივე რეცეპტორებია განლაგებული შუა ყურის უჯრედებზე.
ამიტომაც ახლა უკვე ექიმები რეკომენდაციას გასცემენ განსაკუთრებული ყურადღება მიექცეს კორონავირუსით დაავადებულთა სმენის პრობლემებს და სმენის მოულოდნელი დაკარგვის შემთხვევაში დაუყოვნებლივ გადაამისამართონ ისინი შესაბამის სპეციალისტთან, რომელიც შეძლებს ზომების მიღებას და სმენის სამუდამოდ დაკარგვის თავიდან აცილებას.
