პორტუგალიელი თავდამსხმელი კრიშტიანუ რონალდუ, “მანჩესტერ იუნაიტედში” დაბრუნდა. ამის შესახებ ინფორმაციას მანჩესტერ იუნაიტედის ოფიციალური გვერდი ავრცელებს. ინგლისურმა საფეხბურთო კლუბმა “მანჩესტერ იუნაიტედმა” მიაღწია შეთანხმებას იტალიური “იუვენტუსის” თავდამსხმელის ტრანსფერზე. ტრანსფერის ღირებულება 28 მილიონი ევროა.
36 წლის კრიშტიანუ რონალდუ “მანჩესტერ იუნაიტედში” 2003-2009 წლებში თამაშობდა, რის შემდეგაც მადრიდის რეალში გადავიდა. 2018 წლიდან დღემდე კი პორტუგალიელი ფეხბურთელი იუვენტუსში თამაშობდა.
კრიშტიანუ რონალდუს 30-ზე მეტი ძირითადი ტურნირი აქვს მოგებული, მათ შორის ევროპის ჩემპიონატი, ჩემპიონთა ლიგა ხუთჯერ, მსოფლიო საკლუბო ჩემპიონატი ოთხჯერ. გახდა საუკეთესო ბომბარდირი, იტალიის თასისა და სუპერთასის მფლობელი. რონალდუ ხუთჯერ გახდა ოქროს ბურთის მფლობელი.
