რუსული კანონის გასაპროტესტებლად, მარტის აქციებზე დაკავებული ლაზარე გრიგორიადისის შეწყალების თხოვნით ოჯახმა და ადვოკატმა პრეზიდენტ სალომე ზურაბიშვილს, ოფიციალურად მიმართა.
განცხადება პრეზიდენტის მრჩეველმა პირდად ჩაიბარა.
“ჩვენ მივმართავთ მას ლაზარეს შეწყალების თაობაზე. როგორ იმოქმედებს პრეზიდენტი, მე ამაზე პასუხი არ მაქვს, მაგრამ მჯერა, რომ ის ლაზარეს შეიწყალებს. მიმანიშნებელი არაფერი, ჩვენ პირადი კომუნიკაცი არ გვქონია, ახალგაზრდებმა ეს საკითხი მიაწოდეს და ლაზარეზე იგი ინფორმირებულია”, – ამბობს დედა, თამთა კალანდაძე.
გრიგორიადისს დღეს სასამართლომ 9 წლით პატიმრობა მიუსაჯა.
