მკვლელობა გურიაში – ლანჩხუთის მუნიციპალიტეტის სოფელ ნიგვზიანში, რამდენიმე საათის წინ, შუახნის მამაკაცმა მეზობელი მოკლა და შემდეგ თავი მოიკლა.
ადგილობრივების ინფორმაციით, მკვლელობას წინ ურთიერთშელაპარაკება უძღოდა. სოფელ ნიგვზიანში მომხდარის ადგილზე სამართალდამცავები არიან მობილიზებულები.
როგორც “მთავარს” შინაგან საქმეთა სამინისტროში განუცხადეს, გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
