იტალიური ბრენდის, Valentino Beauty –ს პარფიუმერულმა განყოფილებამ Voce Viva–ს ახალი არომატი წარმოადგინა, რომლის სახე და იდეური შთაგონება ლედი გაგა გახდა. არომატის დასახელება შეიცავს მოწოდებას ყველა ქალის მიმართ დაიპყრონ გულები, შეეცადონ თვითგამოხატვას, შეცვალონ სამყარო უკეთესობისკენ, შთააგონონ სხვები, საყვარელი ადამიანები, გაახმოვანონ ოცნებები და აუცილებლად განახორციელონ ისინი.
Voce Viva–ს სარეკლამო ფილმი ვალენტინოს სახლის კრეატიული დირექტორის, პიერპაოლო პიჩოლის, რეჟისორ ჰარმონი კორინის და ლედი გაგას თანამშრომლობით შეიქმნა და ის უფრო ინკლუზიური საზოგადოების შექმნის მოწოდებაა.
ფილმი ბუნების და მუსიკის მკურნალ ძალაზე, ადამიანებს შორის ურთიერთობების მოთხოვნილებაზე და ისეთ სამყაროზეა, სადაც ყველას საკუთარი ხმა აქვს. ვიდეოკლიპის დევიზი – “ჩემი ხმა ჩემი ძალაა“ ადამიანებს მოუწოდებს გამოსცადონ ხმის ძალა, რათა საკუთარ ფასეულობებზე და მრწამსზე ყველას უამბონ.
