“ლოგისტიკური სირთულეების გამო”, პრეზიდენტმა ყველა ოფიციალური ღონისძიება გააუქმა

პრეზიდენტის ადმინისტრაციამ ორბელიანების სასახლესთან,  “ლოგისტიკური სირთულეების გამო”,  ახალ წლამდე დაგეგმილი ყველა ოფიციალური ღონისძიება გააუქმა. ამასთან დაკავშირებით განცხადებას ადმინისტრაცია ავრცელებს.

“ორბელიანების სასახლის მიმდებარე ტერიტორიაზე შექმნილი ლოგისტიკური სირთულეების გამო, საქართველოს პრეზიდენტის ადმინისტრაცია აუქმებს ახალ წლამდე დაგეგმილ ყველა ოფიციალური ღონისძიებას, მათ შორის  საქართველოს ეროვნული და ვაჟა-ფშაველას სახელობის პრემიების 2022 წლის ლაურეატების დაჯილდოების სახელმწიფო ცერემონიას.
აღნიშნული ღონისძიებების გამართვის დრო საზოგადოებას დამატებით ეცნობება.” –ნათქვამია პრეზიდენტის ადმინისტრაციის განცხადებაში.