შინაგან საქმეთა სამინისტრომ ბორჯომში ცხოველის მიმართ სასტიკი მომპყრობის ფაქტზე გამოძიება დაიწყო. ჰასკის ჯიშის მაკე ძაღლი ახალგაზრდა მამაკაცმა კორპუსის მე-12 სართულიდან გადმოაგდო.
ძაღლის მდგომარეობა ამ დროისთვის მძიმეა და მას ექსპერტიზა უტარდება, რის შემდეგაც დაზუსტდება სამართლებრივი კვალიფიკაცია.
„პოლიციამ მოახდინა მოქალაქის იდენთიფიცირება. პირი უკვე გამოიკითხა პოლიციის განყოფილებაში. გამოძიება 259-ე მუხლის 1-ელი ნაწილით მიმდინარეობს, რაც ცხოველის წამებას, ან მისადმი სასტიკ მოპყრობას გულისხმობს, რამაც მისი დასახიჩრება, ან დაღუპვა გამოიწვია“, – აცხადებენ შსს-ში.
როგორც ირკვევა, საცხოვრებელი კორპუსის მე-12 სართულზე ერთ-ერთ ოჯახში მისულ მამაკაცს ჩხუბი მასპინძელ ქალთან შეკამათება მოუვიდა, გაშველების მიზნით მათთან მეზობელი გავიდა, რომელსაც თან ძაღლიც ახლდა და სწორედ ამ დროს, მამაკაცმა ძაღლი ფანჯრიდან გადააგდო.
ძაღლი თბილისში ვეტერინალურ კლინიკაში გადმოიყვანეს და სასწრაფო ოპერაცია ჩაუტარდება. უკვე ცნობილია, რომ მუცლად მყოფი ლეკვები მკვდრები არიან, თავად ძაღლს კი მრავლობითი მოტეხილობები და შიდა სისხლდენა აქვს.
