მამა სარია გიგი უგულავას და ირაკლი ოქრუაშვილის პატირობიდან გათავისუფლების საკითხს მიესალმება, თუმცა აღნიშნავს, რომ მამა გიორგი მამალაძეც პოლიტპატიმარია, რომელსაც მხოლოდ იმიტომ არ ათავისუფლებენ, რომ საპატრიარქოზე ბევრი ინფორმაცია აქვს.
,,მამა გიორგი სწორედ პოლიტაპტიმარია, ოღონდ პოლიტიკური სახელმწიფოს და საპატრიარქოს მხრიდან, ორივე მხრიდან, ანუ ორმაგი შეიძლება ასე ითქვას. მისი გამოსვლა არ აწყობთ. ფაქტობრივად, გაშიშვლდება ის სიბინძურე, რასაც სჩადიოდნენ სახელმწიფო და ეკლესია ერთდროულად. მამა გიორგი არაერთგზის აღნიშნავდა, რომ მას აქვს უამრავი ფაქტები საეკლესიო დარღვევების შესახებ, რამაც უნდა გაწმინდოს ეკლესია და ხელისუფლება,”- აცხადებს მამა ანდრია სარია.
მისივე თქმით, ის პატრიარქის პირადი პატიმარია, რომელიც ყველამ დაივიწყა.
