საპარლამენტო უმრავლესობის ლიდერმა მამუკა მდინარაძემ, სტრატეგია აღმაშენებლის პრემიერმინისტრობის კანდიდატ გიორგი ვაშაძეს ქართული ოცნების აღმასრულებელი მდივნის, ირაკლი კობახიძის საათი, საზოგადოებრივი მაუწყებლის პირდაპირ ეთერში აჩუქა. მამუკა მდინარაძე აცხადებს რომ ვაშაძემ არასწორი ინფორმაცია გაავრცელა კობახიძის საათებთან დაკავშირებით.
“თავიდანვე უნდა ვამხილო ეს ადამიანი ტყუილში. მაგალითად საათებთან დაკავშირებით მან პიარკამპანიის აწყობა გადაწყვიტა. მაგალითად, ჩემი საათი საერთოდ არ იყო ის საათი, რომელიც თავის სარეკლამო კლიპში გამოფინა. ასევე, ირაკლი კობახიძის საათი საერთოდ არ იყო ის, რომელიც აქ არის წარმოდგენილი. მე მინდა გადავცე ირაკლი კობახიძისგან საჩუქრად მას ეს საათი, რომელსაც როგორც კი დახედავს არა მხოლოდ დროს შეახსენებს, არამედ შეახსენებს იმასაც, რომ არ უნდა მოიტყუოს”, – განაცხადა მდინარაძემ.
