მარიუპოლის მერი, ვადიმ ბოიჩენკო BBC-სთან ინტერვიუში აცხადებს, რომ ქალაქში ქოლერას გავრცელება დაიწყო.
“ქალაქში უკვე დადის ქოლერა, დიზენტერია და სხვა ინფექციური დაავადებები, მაგრამ საოკუპაციო ძალები ამას მალავენ. ქალაქი კარანტინზეა დაკეტილია. იქიდან არავის უშვებენ და არც შიგნით უშვებენ.
ეს ინფექცია ძალიან სწრაფად ვრცელდება. არავითარი პირობა არაა მის შესაკავებლად. არ არიან ექიმები, არც ინფექციური საავადმყოფოები. ჩვენი ინფექციური საავადმყოფო განადგურებულია მთელ აღჭურვილობასთან ერთად, ექიმები კი მოკლეს”, – თქვა მერმა BBC-სთან ინტერვიუში.
მარიუპოლის მერი ასევე აცხადებს, რომ საავადმყოფოში ქოლერას დიაგნოზით გადაყვანის კონკრეტული შემთხვევა არ დაფიქსირებულა, რადგანაც საავადმყოფოზე წვდომა არაა. თუმცაღა ბოიჩენკოს მიაჩნია, რომ არსებობს ყველა ნიშანი იმისა, რომ მარიუპოლში ქოლერას გავრცელება დაიწყო. კერძოდ ქალაქში ბევრი მოკლულია, რომელთა ცხედრები პირდაპირ ქუჩაშია.
“ძლიერი წვიმებია, რომლებიც ანადგურებს სამარხებს. ამ სამარხებს მარიუპოლელები მთელი ომის განმავლობაში აკეთებდნენ – ხალხს მარხავდნენ ეზოებში, პარკებში, სკევერბში, გორაკებზე. ამას ემატება წყლით მომარაგების გაუმართავი სისტემა და, რაც ყველაზე მნიშვნელოვანია, გაუმართავი კანალიზაცია. ყველაფერი ეს ქმნის ისეთ ნარევს, რომელიც მიდის პირდაპირ მდინარეებისა და ჭების მიმართულებით, საიდანაც ხალხი წყალს იღებს”, – თქვა ბოიჩენკომ.
