ალყაშემორტყმული მარიუპოლის მერის მოადგილე, სერგეი ორლოვი, BBC-ის ეთერში აცხადებს, რომ რუსეთმა მარიუპოლში ძალინ მძიმე ბომბების გამოყენება დაიწყო, ქალაქი კი სრულ ბლოკადაშია. როგორც ორლოვი აცხადებს, მარიუპოლში ამჟამად, დაახლოებით 130 000 მოქალაქეა დარჩენილი.
“50 დღეზე მეტი ხნის განმავლობაში სრულ ბლოკადაში მყოფ ადამიანებთან საუბარი ძალიან რთულია. ჩვენ ვერც კი წარმოვიდგენთ, როგორ გამოიყურება მათი ცხოვრება. ქალაქში დაახლოებით 130 000 მოქალაქეა, ისინი ჯერ კიდევ მარიუპოლში არინ და უწყვეტი ომის პირობებში, დაბომბვასა და საჰაერო თავდასხმებში ცხოვრობენ. გუშინ რუსეთმა ძალიან მძიმე ბომბების გამოყენება დაიწყო. არ ვიცი, ეს რა არის, მაგრამ მათგან ხმა 50-დან 60 კილომეტრამდე მოდის და დიდ ზიანს იწვევს. მარიუპოლი სრულ ბლოკადაშია. საკვების, წყლის, წამლების, დახმარების, ყველაფრის ნაკლებობაა. სიცოცხლის ნაკლებობაა, მე ვიტყოდი. ამიტომ ძნელია. და ჩვენ ადამიანებს, რა თქმა უნდა უკრაინის მიერ კონტროლირებად ტერიტორიებზე გადაადგილება გვსურს,” – განაცხადა ორლოვმა.
