მესტიაში 13 წლის მოზარდს ეძებენ. საგანგებო სიტუაციების მართვის სამსახურის ინფორმაციით, სამძებრო სამუშაოებში 20 მეხანძრე-მაშველი და დრონებია ჩართული.
ოჯახის ინფორმაციით, 13 წლის მოზარდი გუშინ 18 ივლისს, 11 საათზე სახლიდან გავიდა და უკან არ დაბრუნებულა. მათი თქმით, ბიჭი ველოსპედით იყო, ეხურა კეპი და ეცვა მუქი ფერის ტანსაცმელი. ის ბოლოს სოფელ ლენჯერში ნახეს.
შსს–ს ცნობით, გამოძიება სისხლის სამართლის კოდექსის 143-ე მუხლის მესამე ნაწილის დ ქვეპუნქტით მიმდინარეობს.
