“ყველაფერს გავაკეთებთ იმისათვის, რომ ეს დღის წესრიგი გაქრეს და ძალიან მალე გაქრება, თვითონვე მიაქანებენ აქეთკენ საკუთარ თავს. დავიდნენ 200-300 კაცამდე უკვე, იკრიბებიან მეტროსადგურებთან, რომ მეტროს “პასაჟირებიც” მიიერთონ, ვიზუალური კუთხით აქამდე არიან უკვე დასული და მილევად რეჟიმში არიან. საზოგადოებას აბეზრებენ ძალიან თავს.
საზოგადოებისთვის ეს არის სრულიად მომაბეზრებელი და კიდევ უფრო მომაბეზრებელი გახდება, რაც უფრო მეტი დრო გავა. მაგრამ დიდი დროც არ დასჭირდება ამას, ძალიან მალე ეს ყველაფერი დასრულდება. პარლამენტში არიან პოლიტიკური ძალები, რომლებსაც აინტერესებთ სწორედ პოზიტიური დღის წესრიგი, აინტერესებთ ზუსტად ის საკითხები, რაც არის ქვეყნისთვის მნიშვნელოვანი, ამიტომ მთელი ყურადღება უნდა გადაერთოს ამ საკითხებზე”
ამბობს ქართული ოცნების თავმჯდომარე ირაკლი კობახიძე ოპოზიციის აქციებზე.
