“რეპროარტის” კლინიკური განვითარების მენეჯერი, გიორგი კავკასიძე გადაცემაში “ღამის მთავარი” ამბობს, რომ ხელისუფლებამ თვითონვე დაიჯერა კორონის დამარცხება. მისი თქმით, ის მკაცრი ზომები, რაც ხელისუფლებამ მარტში მიიღო, “ფალშ-სტარტი” აღმოჩნდა.
“მათ თვითონვე დაიჯერეს, რომ კორონა დაამარცხეს. აი, ვინმემ რომ ამოიღოს ივნისი-ივლისის მთავრობის სხდომის კადრები, ვნახავთ, რომ პირბადე არავის უკეთია. არცერთ საერთაშორისო შეხვედრაზე პირბადე არ იყო. ამიტომ ხალხმაც დაიჯერა, რომ ეს კორონა ან არის, ან არ არის, ხოლო ის ადამიანები, მათ შორის, ექიმები, ვინც აფრთხილებდნენ, რომ ასე არ არის, ლამის შეაჩვენეს. მე არ მიცხოვრია საქართველოში და არ ვიცი აქაური პროტოკოლი, მაგრამ იქაური პროტოკოლით, სადაც ვმუშაობ, ერთ პაციენტზე მოდის ერთი ექთანი, თანაც ისე, რომ იქ ექთანზე გადანაწილებულია ექიმის ფუნქციებიც”, – ამბობს გიორგი კავკასიძე.
