”3 დღე იწვიმა შატილში და დენი გაითიშა, ახლა ჩართულია, მაგრამ მხოლოდ ნახევარ სოფელს მიეწოდება ელექტროენერგია, მეორე ნახევარი სიბნელეშია, არ ჰყოფნის მთელ სოფელს. ჩვენ გენერატორი გვაქვს უკვე, მაგრამ სხვებს ?!!!
თვეების ბავშვი ჰყავს აქაურ გოგოს შატილში და სიბნელეში ზის, მეორე შვილთან ერთად, რამდენი გადასაფარებელი უნდა დააფაროს ამ სიცივეში ან რანაირად უნდა მიხედოს მთელი ღამე ტელეფონის განათებით !!! დუშეთის მუნიციპალიტეტის მერია მანანა მაცაცო ნარიმანიძე მცხეთა-მთიანეთის მხარე საქართველოს მთავრობა
.
აქ ვერც შვილი უნდა გააჩინო და ვერც უნდა წამოიყვანო ?!!! თან მთაში ოჯახების შექმნა და მოსახლეობის დაბრუნებაო ხო ?!!! მაღალმთიან სოფლებში ქალების მხარდაჭერაო არა ?!!! და ამ დროს, „შატილობის” გრანდიოზული კონცერტისთვის 100 000 ლარი გაქვთ გამოყოფილი, ერთდღიანი კონცერტისთვის, რომელიც არაფერში დაგვეხმარება და არცერთ ჩვენს პრობლემას არ მოაგვარებს !!! რა ადამიანები ხართ ?!!! ან საერთოდ, როგორ იძინებთ ღამით ?!!!”
წერს, შატილში მცხოვრები მარგარეტ დაიაური და ხელისუფლებისგან კვლავ დახმარებას ითხოვს. შატილში არსებული ჰესი, „ბიტეხი 1“, რომელსაც 20-30 ოჯახი უნდა მოემარაგებინა ელექტროენერგიით, წელიწადში რამდენჯერმე გამოდის მწყობრიდან.
მარგარეტი და გიორგი პირველი წყვილია, რომელმაც 21-ე საუკუნეში შატილში ოჯახი შექმნა და დაფუძნდა.
