”მშვიდობა უნდა იყოს მყარი, არა ისეთი, როგორიც ადრე, როდესაც ყირიმი დავთმეთ..პუტინმა ეს თავდასხმის პლაცდარმად გამოიყენა” – აცხადებს ამის შესახებ, უკრაინის მეთაური ვოლოდიმირ ზელენსკი რომელიც ცოტა ხნის წინ ვაშინგტონში ჩავიდა.
“უკვე ჩავედი ვაშინგტონში. დღეს მაქვს შეხვედრა პრეზიდენტ ტრამპთან. შემდეგ ვისაუბრებთ ევროპელ ლიდერებთან. პრეზიდენტ ტრამპის მადლობელი ვარ მოწვევისთვის.
ჩვენ გვსურს სწრაფად დავასრულოთ ეს ომი. მშვიდობა უნდა იყოს მყარი, არა ისეთი, როგორიც იყო წლების წინ, როდესაც უკრაინას ყირიმის და დონბასის ნაწილის დათმობა მოუწია, ხოლო პუტინმა ეს თავდასხმის პლაცდარმად გამოიყენა.
უკრაინელები იბრძვიან საკუთარი მიწისთვისა და დამოუკიდებლობისთვის. ჩვენს მებრძოლებს აქვთ წარმატებები დონეცკისა და სუმის ოლქში. დარწმუნებული ვარ უკრაინას დავიცავთ. რუსეთმა უნდა დაასრულოს ომი, რომელიც თავად დაიწყო”.- წერს ზელენსკი.
დღეს, 18 აგვისტოს აშშ-ს დედაქალაქში ტრამპი ზელენსკის გარდა ევროპელ ლიდერებსაც შეხვდება.
