ლეიბორისტული პარტიის მცხეთა-მთიანეთის მაჟორიტარი დეპუტატობის კანდიდატი პარტიის ლიდერის, შალვა ნათელაშვილის შვილი, ბექა ნათელაშვილი იქნება. მცხეთის გამგეობასთან გამართულ ბრიფინგზე მან საკუთარი თავი დღეს წარადგინა.
“მე მინდა მცხეთა-მთიანეთში მაჟორიტარი დეპუტატობის კანდიდატად საქართველოს პარლამენტში წარმოვადგინო ჩემი თავი და ვიბრძოლო სწორედ იმ ახალგაზრდებთან ერთად, რომლებთან ერთადაც ვიბრძოდი, რომ მიგვეღო ამ ქვეყანაში ნორმალური საარჩევნო სისტემა. გვსურს შემოვიაროთ თითოეული სოფელი, თითოეული ქალაქი და აქ მცხოვრებ მოქალაქეებს ვუთხრათ, რომ არსებობს იმედი. ჩვენ შეგვიძლია გავიმარჯვოთ”, – განაცხადა ბექა ნათელაშვილმა.
ბექა ნათელაშვილი ახალგაზრდა ლეიბორისტული ფრთის ლიდერი.
