მწერალი ბორის აკუნინი Росфинмониторинг -მა „ტერორისტებისა და ექსტრემისტების სიაში“ შეიყვანა. ინფორმაცია ერთდროულად გაავრცელეს რუსულმა საინფორმაციო სააგენტოებმა.
ფაქტობრივად, ამ სიას ეწოდება იმ ორგანიზაციებისა და პირების სია, რომლებთან დაკავშირებითაც არის ინფორმაცია მათი ექსტრემისტულ აქტივობებში ან ტერორიზმში მონაწილეობის შესახებ. მასში შედიან ისინი, ვის მიმართაც აღიძრა საქმე რუსეთის ფედერაციის სისხლის სამართლის კოდექსის „ექსტრემისტული“ მუხლებით.
ჯერჯერობით არ არსებობს ინფორმაცია იმის შესახებ, რომ აკუნინის (გრიგორი ჩხარტიშვილი) წინააღმდეგ სისხლის სამართლის საქმეა აღძრული.
როსფინმონიტორინგმა, რომელმაც ჩხარტიშვილი „ტერორისტებისა და ექსტრემისტების სიაში“ შეიყვანა, მის სახელთან ვარსკვლავის აღნიშვნა გააკეთა, რაც მიუთითებს იმაზე, რომ საქმე ტერორიზმის შესახებ მუხლით აღიძრა, აღნიშნავს მედიაზონა ( რომელიც “უცხოური აგენტების რეესტრშია“).
გასულ კვირას, გამომცემლობა АСТ-მ გადაწყვიტა შეაჩეროს აკუნინისა და მწერლის დიმიტრი ბიკოვის („უცხოური აგენტების“ რეესტრშია). წიგნების გავრცელებაამას წინ უძღოდა სიუჟეტი პრანკერებთან ლექსუსთან და ვოვანთან, რომლებთან საუბარში აკუნინმა გამოთქვა მზადყოფნა უკრაინის მხარდასაჭერად.
„ვფიქრობ, რომ ყველა სხვა რუსული კულტურის მოღვაწე, რომელიც ეწინააღმდეგება პუტინის დიქტატურას, სიამოვნებით დაგეხმარებათ და მონაწილეობას მიიღებს“, – განაცხადა აკუნინმა.
მწერალმა რუსეთი 2014 წელს დატოვა ყირიმის ანექსიის და დონბასში საომარი მოქმედებების დაწყების შემდეგ.
მწერალი შინაგან საქმეთა სამინისტროს ფედერალურ ძებნილ სიაში ჯერ არ არის დამატებული, განმარტავს მედიაზონა.
