პარტია ახალის და კოალიცია ცვლილებისთვის ერთ-ერთი ლიდერი, ნიკა მელია მოსამართლემ 5 000 ლარით დააჯარიმა.
გადაწყვეტილება მოსამართლე თორნიკე ქოჩქიანმა გამოაცხადა.
მელიას საქართველოს ადმინისტრაციულ სამართალდარღვევათა კოდექსის 173-ე მუხლს ედავებოდნენ, რაც სამართალდამცავი ორგანოს თანამშრომლის სიტყვიერ შეურაცხყოფას ან სხვაგვარი შეურაცხმყოფელი ქმედების განხორციელებას გულისხმობს.სამართალდამცველები ამბობდნენ, რომ მელიამ მათ სიტყვიერი შეურაცხყოფა მიაყენა, ხოლო თავად მელია აცხადებს, რომ მსგავსი რამ არ მომხდარა. მისი თქმით, დაკავებისას ადგილზე დაახლოებით 50 პოლიციელი იმყოფებოდა, თუმცა შსს-ს წარმომადგენლები ამტკიცებენ, რომ მხოლოდ სამნი იყვნენ.
ნიკა მელია მიმდინარე წლის მაისში დააკავეს. „კოალიცია ცვლილებებისთვის“ ინფორმაციით, ის ლისის ტბის ასახვევთან აიყვანეს, როცა ტელეეთერში გასვლას გეგმავდა.
