სომხეთის პრემიერ-მინისტრი, ნიკოლ ფაშინიანი გადადგა. ამის მიზეზი 20 ივნისს დაგეგმილი საპარლამენტო არჩევნებია.
“20 ივნისს დაგეგმილი რიგგარეშე არჩევნების გრაფიკის გათვალისწინებით, შემეძლო დღეს არ გადავმდგარიყავი. მაგრამ მნიშვნელოვნად ჩავთვალე, რომ გადადგომა მომხდარიყო დღეს, მოქალაქის დღეს. ეს მნიშვნელოვანი სიმბოლოა იმისა, რომ ამ გზით ჩვენ სომხეთის რესპუბლიკის მოქალაქისგან მიღებულ ძალას ვუბრუნებთ მოქალაქეს, რომ მან გადაწყვიტოს მთავრობის მომავალი თავისუფალ, სამართლიან და კონკურენტულ არჩევნებში”,– წერს ფაშინიანი Facebook–ზე.
სომხეთში, ფაშინიანის გადაწყვეტილებით, ვადამდელი საპარლამენტო არჩევნები 20 ივნისს გაიმართება.
