ენმ-ს წევრი რომან გოცირიძე ფიქრობს, რომ ცეკოს თავმჯდომარედ ნინო ლომჯარიას დანიშვნა კარგი იქნებოდა.
“კანდიდატი უნდა იყოს ისეთი, რომელსაც ვიცნობთ და არ იქნება სიურპრიზის მომტანი. არ გვინდა ექსპერიმენტები, ნაცნობი და პროგნოზირებადი ადამიანი გვინდა თავისი მინუსებით და პლიუსებით – პერსონალურად ნინო ლომჯარია კარგი იქნება ამ პოსტზე”,– ამბობს გოცირიძე.
მისივე განცხადებით, პრეზიდენტის დამტკიცებული შესარჩევი კომისიის შემადგენლობა ისეთია, რომ პრეზიდენტი ემზადება გაყალბებისთვის.
“თუ რამდენჯერმე ჩაგდების შემდეგ, მესამე მცდელობისას დაბალი კვორუმით იქნება ცესკო-ს 6-თვიანი დროებითი თავმჯდომარე არჩეული, ეს პირდაპირი სიგნალი იქნება იქითკენ, რომ ხელისუფლებას თვითმმართველობის არჩევნების გაყალბება უნდა“, – აღნიშნა გოცირიძემ.
