ცნობილმა რეანიმატოლოგმა, მანჰეტენზე მდებარე ერთ–ერთი საავადმყოფოს (New York-Presbyterian Allen Hospital )სასწრაფო დახმარების განყოფილების უფროსმა, 49 წლის ლორანა ბრინმა თავი მოიკლა. როგორც მისი ოჯახის წევრები ამბობენ, მან კრიზისს და დაძაბულობას ვერ გაუძლო. ის კორონავირუსით დაინფიცირებულ პაციენტებს მკურნალობდა. “ის ცდილობდა თავისი საქმე ეკეთებინა. და ამან მოკლა“ – ამბობს გარდაცვლილი ქალის მამა, ფილიპ ბრინი.
პოლიცია ამბობს, რომ მისი საქმიანობის ემოციური მხარე მნიშვნელოვანი ფაქტორი იყო, რის გამოც ქალმა თავის მოკვლის მიზნით თვითდაზიანებები მიიყენა. ის პოლიციამ საავადმყოფოში გადაიყვანა, თუმცა გადარჩენა ვერ მოხერხდა.
გარდაცვლილის მამა Times–ს უყვება, რომ ქალიშვილი საშინელი და ემოციურად გამანადგურებელი სცენების შესახებ უყვებოდა, რომელსაც ყოველდღიურად ნახულობდა კორონავირუსით დაავადებული პაციენტების მკურნალობისას. მამა ამბობს, რომ მის ქალიშვილს მენტალური პრობლემები არასოდეს ქონია.
