პირველი საუნივერსიტეტო კლინიკის დირექტორი ლევან რატიანი ჟურნალისტებსა და მოქალაქეებს მოუწოდებს, ნუ დადიან და ნუ ეხუტებიან ერთმანეთს.
,,ერთი რამე მინდა ვუთხრა მთელს ქვეყანას და თქვენც [ჟურნალისტებს], რაც შეიძლება ვიყოთ სოციალურად დისტანცირებული ერთმანეთისაგან. არავინ არ ვიცით ამ ვირუსის სტრატეგია, სამწუხაროდ, სამყაროს არცერთმა ექიმმა და მათ შორის არც მე.
პირადად თქვენ მოგიწოდებთ, რომ ნუ დადიხართ ასე და ნუ ეხუტებით ერთმანეთს. დავცილდეთ ერთმანეთს რა, არამარტო თქვენ, არამედ ყველა”,- ამბობს რატიანი.
საქართველოში საყოველთაო კარანტინია გამოცხადებული. მოქალაქეებს თვითიზოლაციის დაცვისკენ მოუწოდებენ. აკრძალულია 21 საათიდან დილის 6 საათამდე სახლის გარეთ გადაადგილება. ასევე, აკრძალულია 3-ზე მეტი ადამიანის შეკრება.
ქვეყანაში ამ დროისთვის კორონავირუსით ინფიცირების 170 შემთხვევაა დადასტურებლი, მათგან 36 გამოჯანმრთელდა, 2 კი გარდაიცვალა.
