ომის 2 წლისთავთან დაკავშირებით მსოფლიო ლიდერები განცხადებებს ავრცელებენ. ისინი უკრაინის თავგანწირულ ბრძოლაზე საუბრობენ და აცხადებენ, რომ მსოფლიომ რუსეთის ომში დასამარცხებლად ყველაფერი უნდა გააკეთოს.
ჯოზეფ ბაიდენის:
ორი წლის შემდეგ, ჩვენ კიდევ უფრო ნათლად ვხედავთ იმას, რაც პირველივე დღიდან ვიცოდით: პუტინმა ძალიან ცუდად გათვალა. საკუთარი თავისუფლებისა და მომავლის დასაცავად უკრაინელები მამაცურად იბრძვიან. NATO ახლა უფრო ძლიერი, დიდი და ერთიანია, ვიდრე ოდესმე. აშშ-ის ხელმძღვანელობით 50 სახელმწიფოსგან შემდგარი უკრაინის მხარდამჭერი უპრეცედენტო, გლობალური კოალიცია ერთგულად ცდილობს კიევისთვის კრიტიკულად მნიშვნელოვანი დახმარების უზრუნველყოფას და აგრესიის გამო რუსეთის ფედერაციისთვის პასუხისმგებლობის დაკისრებას. ამერიკელ ხალხს, ასევე მთელ მსოფლიოში მცხოვრებ ადამიანებს ესმით, რომ ამ ბრძოლის ფსონები უკრაინის საზღვრებს ცდება. უკრაინას აშშ-ისგან მეტი მომარაგება სჭირდება, რომ რუსეთის დაუნდობელ თავდასხმებს გაუმკლავდეს, რომელიც ირანისა და ჩრდილოეთ კორეის იარაღით და საბრძოლო მასალით ხორციელდება. ამიტომ, ვიდრე ძალიან გვიანი არ არის, წარმომადგენელთა პალატამ ეროვნული უსაფრთხოების ორპარტიული კანონპროექტი უნდა მიიღოს. ისტორია თვალს გვადევნებს. ამ კრიტიკულ მომენტში უკრაინისთვის დახმარებაზე უარის თქმას არავინ დაივიწყებს.
იენს სტოლტენბერგი(ნატოს გენერალური მდივანი)
2 წელი გავიდა მას შემდეგ, რაც რუსული ტანკები შევიდნენ უკრაინაში და ევროპაში მეორე მსოფლიო ომის შემდგომ ყველაზე დიდი ომი დაიწყო. უპირველესად, მინდა პატივი მივაგო ყველა იმ მამაც უკრაინელს, რომელიც სამშობლოს დაცვის დროს დაიღუპა ან დაიჭრა. პრეზიდენტმა პუტინმა ეს ომი დაიწყო, რომ NATO-ს კარი დაეკეტა და წაერთმია უკრაინისთვის საკუთარი გზის არჩევის უფლება. მაგრამ მან საპირისპირო მიიღო. უკრაინა ახლა NATO-სთან უფრო ახლოსაა, ვიდრე ოდესმე… უკრაინა NATO-ში გაწევრიანდება, ეს უბრალოდ დროის საკითხია. ვემზადებით ამ დღისთვის. NATO გააგრძელებს უკრაინის გვერდით დგომას თქვენი და ჩვენი უსაფრთხოებისთვის.
რიში სუნაკი (ბრიტანეთის პრემიერ მინისტრი)
დადგა მომენტი, ვაჩვენოთ, რომ ტირანია ვერასდროს იზეიმებს და კიდევ ერთხელ განვაცხადოთ, რომ ჩვენ ვიდგებით უკრაინის გვერდით დღესაც, ხვალაც. მზად ვართ, გავაკეთოთ ყველაფერი, რაც და რამდენ ხანსაც საჭირო იქნება, ვიდრე არ გაიმარჯვებენ. ორი წლის წინ, როდესაც პუტინმა დაიწყო უკანონო შეჭრა, თავისუფალი სამყარო იყო ერთიანი რეაგირებაში. ჩვენ ერთად დავუჭირეთ მხარი უკრაინას. ამ სასტიკ თარიღზე ჩვენ კიდევ ერთხელ უნდა დავადასტუროთ ჩვენი სიმტკიცე.
გიტანას ნაუსედა (ლიეტუვის პრეზიდენტი )
ძვირფასო უკრაინელო ძმებო და დებო, ამ საშინელი ომის 2 წლისთავზე მოგმართავთ უდიდესი პატივისცემით. თქვენ დაუმარცხებლობისა და გაუტეხლობის დიდებული მაგალითი უჩვენეთ მსოფლიოს. თქვენი სიმტკიცე და წინააღმდეგობა ყველა ლიეტუველისთვის ანათებს, როგორც იმედის შუქურა. ჩვენ ყოველთვის ვიქნებით თქვენს გვერდით და არასოდეს დაგტოვებთ მარტო ამ ბრძოლაში.
გერმანიის კანცლერი ოლაფ შოლცი რუსეთის მიერ უკრაინაში შეჭრისა და სრულმასშტაბიანი ომის დაწყების მეორე წლისთავს გამოეხმაურა და განაცხადა, რომ ევროპამ თავდაცვა უნდა გააძლიეროს. გერმანიის საგარეო საქმეთა მინისტრი, ანალენა ბერბოკი კი ამბობს, რომ უკრაინის გვერდით იქნებიან მანამ, სანამ ამის საჭიროება იქნება:
“უკვე ორი წელია თქვენი სახელმწიფო გმირულად უმკლავდება რუსეთის ბრუტალურ აგრესიას. ჩვენი გული და ფიქრები თქვენთან არის. უკრან გაუძლებს და გაიმარჯვებს. ჩვენ აღფრთოვანებული ვართ თქვენი სისამაცით და რადაც არ უნდა დაგვიჯდეს თქვენს გვერდით ვიქნებით.შეკავება, თავდაცვითი მზადყოფნა – მე ვიცი, რომ გერმანიის კანცლერისთვის ეს უჩვეულო სიტყვებია. სიტყვები, რომლებიც ჩვენ გერმანიაში იმდენი ხანი არ გამოგვიყენებია, რომ თითქმის დავიწყებული გახდა…ეს სიტყვები ძალიან მნიშვნელოვან ამოცანას წარმოადგენს, ჩვენს მოკავშირეებთან ერთად, ჩვენ ისეთი ძლიერები უნდა ვიყოთ, რომ ჩვენზე თავდასხმა ვერავინ გაბედოს.“
ანალენა ბერბოკი-გერმანიის საგარეო საქმეთა მინისტრი
“731 დღე საჰაერო დარტყმების ქვეშ, სკოლის გაკვეთილები მეტროსადგურებში, ნგრევა და სიკვდილი. ჩვენ არ მივცემთ უფლებას პუტინს უკრაინას მშობლიური მიწა და თავისუფლება წაართვას. ჩვენ ვდგავართ თქვენს გვერდით მანამ, სანამ თქვენ ეს დაგჭირდებათ. მანამ, სანამ ისევ მშვიდად ააშენებთ მომავალს.“
ომის 2 წლისთავთან დაკავშირებით უკრაინის მხარდამჭერი განცხადება გააკეთა პოლონეთის პრეზიდენტმაც. ანდჟეი დუდა ამბობს, რომ ის გააგრძელებს ბრძოლას უკრაინის თავისუფლებისთვის.
