2020-ის ოქტომბრის საპარლამენტო არჩევნებში “გირჩი”-ს ნომერი 36 იქნება. იუწყება პარტიის პრესსამსახური.
კანონში შესული ცვლილებების მიხედვით, პარტიამ, რომელმაც 2018 წლის საპრეზიდენტო არჩევნებში ხმების, მინიმუმ, 0.75% მიიღო, უფლება აქვს, მიმართოს ცესკოს და მოითხოვოს საქართველოს პარლამენტის არჩევნებში იმ რიგითი ნომრით მონაწილეობა, რომელიც მას საპრეზიდენტო არჩევნებში ჰქონდა მინიჭებული.
“რადგან გირჩის მხარდამჭერების ნაწილის მეხსიერებაში ჯერ კიდევ რჩება 36 ნომერი, რომელიც გირჩმა გამოიყენა 2018 წლის საპრეზიდენტო არჩევნებში, გადავწყვიტეთ დავიტოვოთ ის და იგივე ნომრით წარვსდგეთ ოქტომბრის საპარლამენტო არჩევნებზე”- ამბობს ზურაბ გირჩი ჯაფარიძე.
