გაეროს გენერალური მდივანი, ანტონიუ გუტერეში აცხადებს, რომ კორონავირუსით გამოწვეული ჩავარდნები განათლებაში შეიძლება მაღალი ალბათობით პლანეტის მოსახლეობის მთელი თაობისთვის კატასტროფული აღმოჩნდეს.
მოსწავლეების სკოლებში უსაფრთხო დაბრუნება მსოფლიოს მთავარ პრიორიტეტად უნდა იქცეს – განაცხადა მან ვიდეომიმართვაში, რომელიც გაეროს გვერდზე გამოქვეყნდა.
ივლისის შუა რიცხვების მონაცემებით სკოლები მსოფლიოს 160 ქვეყანაში 1 მილიარდი ბავშვისთვის დაიკეტა, 40 მილიონი ბავშვი კი სკოლამდელი განათლების გარეშე დარჩა.
ამასთან, პანდემიის დაწყებამდე მსოფლიოში 250 მილიონ ბავშვს არ ქონდა წვდომა განათლებაზე, განვითარებადი ქვეყნების საშუალო სკოლების მოსწავლეთა სამი მეოთხედი კი სასწავლო დაწესებულებებს საბაზო ცოდნის გარეშე ტოვებდა.
“ახლა მთელი თაობის კატასტროფის წინაშე ვართ, რომლის გამოც შეიძლება დაიკარგოს და ვერ რეალიზდეს ადამიანის პოტენციალი, მოიშალოს ბოლო ათწლეულების განმავლობაში მიღწეული პროგრესი და გაძლიერდეს ფესვგადგმული უთანასწრობა“– განაცხადა გაეროს გენერალურმა მდივანმა. მან მოსწავლეების სკოლებში უსაფრთხო დაბრუნებისთვის მსოფლიოს ქვეყნების მთავრობებისთვის რეკომენდაციებიც წარადგინა.
